О́ńirde aǵylshyn tili muǵalimderiniń biliktilikterin artyrý pedagogıkalyq sheberlik ortalyǵynyń fılıalynda 103 ustaz kásibı bilimderin jetildirýde.
Olardyń arasynan úzdik dep tanylǵandarǵa Ulybrıtanııadaǵy Kembrıjd ýnıversıtiniń halyqaralyq sertıfıkaty tabystaldy. Qujatqa ıe bolatyn jerlesterimiz 2 aı boıy Tildik mektepter konsorsıýmynyń qyzmetkerlerinen dáris alǵan. Tájirıbeli mamandar "Clil" ádistemesi boıynsha shet tiliniń qyr-syryn tereńdetip úıretti.
"Clil" ádistemesi arqyly ustazdar mektep pánderiniń birqataryn aǵylshyn tilinde júrgizýdi meńgerdi. Endi jınaqtaǵan bilimderi arqyly balalardy shet tilinde oqytatyn fızıka, hımııa, bıologııa páni muǵalimderine kómek kórsetip, nusqaý bere alady. Sertıfıkattardy alar aldynda emtıhan tapsyrdy», dedi pedagogıkalyq sheberlik ortalyǵynyń dırekory Olga Týshınskaıa.
Halyqaralyq sertıfıkatty 11 aǵylshyn tili muǵalimi ıe boldy.
Solardyń biri– oblystyq sportqa daryndy balalarǵa mamandandyrylǵan mektep-ınternatynyń aǵylshyn tili muǵalimi Sáýle Smaılova. 12 jyldyk eńbek ótili bar maman emtıhandy 4-tik baǵaǵa tapsyrypty. Bilikti ustaz kýrsta alǵan bilimin oqýshylardyń boıyna sińirýge daıyn.
Tildik mektepter konsorsıýmy keleri jyly da teriskeılik aǵylshyn tili páni muǵalimderin oqytýǵa ázir. Kýrsqa qabyldaý jospar boıynsha qyrkúıek aıynda bastalady.
О́mir Esqalı.
«Egemen Qazaqstan».
Soltústik Qazaqstan oblysy.